ಹೊಸ ಪುಸ್ತಕದ ಖುಷಿಗೆ ಹಳೇ ಕವಿತೆ!

ಮಮತಾ ಜಿ ಸಾಗರ ಅವರ ಮೂರನೇ ಕಾವ್ಯ ಸಂಕಲನ ಹೊರಬಂದಿದೆ. ಈ ಸಂದರ್ಭದಲ್ಲಿ ಅವರ ಹಳೆಯ ಕವಿತೆಯೊಂದನ್ನು ಇಲ್ಲಿ ಕೊಡುತ್ತಿದ್ದೇವೆ. ಇದು ಅವರು ಸುಮಾರು ೨೦ ವರ್ಷಗಳಷ್ಟು ಹಿಂದೆ ಬರೆದದ್ದು.
* * *

manas.jpg

 ವೃದ್ಧಿ

ಮಮತಾ ಜಿ ಸಾಗರ್

ಮುತ್ತಿ ಕಿತ್ತುವ ಕಿಚ್ಚು
ಬಿಚ್ಚಿಕೊಳ್ಳುವ ತೊಗಟೆ
ತಳದ ಕಂದರದಲ್ಲಿ ಮುಚ್ಚುಕೊಳ್ಳುವ ಕೊಳಕು
ಬಚ್ಚಿಟ್ಟ ಬೆಳಕು!
ನರಮಂಡಲದ ಚಕ್ರವ್ಯೂಹದ ಅಭಿಮನ್ಯು
ರುಧಿರ ಸ್ವರೂಪಿ, ಭ್ರೂಣರೂಪಿ.
ತಮದಹನ, ಮದನದಹನ, ದಹನ
ಆವಾಹನ!!
ಕರ್ಮಣ್ಯೇ ವಾಧಿಕಾರಸ್ಥೆ?
ರಮಿಸಬೇಡವೊ ನನ್ನ;
ಸಾರವಿಲ್ಲದ ಬೀಜ
ಅಳಿದುಳಿದ ಭ್ರೂಣಗಳ ಹತ್ಯೆ.
ನೆತ್ತಿಯ ಮೇಲೆ ಸುತ್ತಿ ಸುತ್ತಿ
ಉರಿಬಿಸಿಲಲ್ಲೂ ಬೆನ್ನತ್ತಿ ಬರುತಿದೆ ನೋಡ,
ರಕ್ತ ಹೆಕ್ಕುವ ರಣಹದ್ದು.

ಕಳಚಿಕೊಂಡ ಕ್ರಿಯೆಗಳಿಗೆ
ಮತ್ತೆ ಅಪ್ಪಿಕೊಳ್ಳೋಣ ಬಾರ!
ಉಸಿರ ಬೆರೆಸಿ
ಅಂತರಾಳದ ಕತ್ತಲಲ್ಲಡಗಿದ
ಬೆಳಕ ಮಡಿಕೆಗಳ ಬಿಚ್ಚೋಣ ಬಾರ.
ಹುಗಿದಿಟ್ಟ ಸಪ್ತ ಸೌಧಗಳ ಅಗೆದಗೆದು
ಪುನಃ ಕಟ್ಟೋಣ ಬಾರ.

ತಳದ ಕಂದರದಿಂದ ಗೊಬ್ಬರದ ಸಾರ ಹೊತ್ತು,
ಬೀಜ ಸಸಿಯಾಗಿ, ಬೆಳಕ ನೀರೆರೆದು
ಹೊರಬಂದ ಬಳ್ಳಿ ಹೊಳೆಯುತಿದೆ
ಬೆಳಕ ಚೆಲ್ಲಿ.
ಭ್ರೂಣಗಳು ಫಲವತ್ತಾಗಿ, ಮಗು ಬೆಳೆದು,
ಹೆರಬೇಕು.
ಎಲ್ಲೆಲ್ಲೂ ಕೇಕೆ ಹಾಕುವ
ತೂಗು ತೊಟ್ಟಿಲ ಗೆಜ್ಜೆ ಸಪ್ಪಳ,
ಅಜ್ಜ ಮುತ್ತಜ್ಜರ ಪುನರಾವೃತ್ತಿ,
ಕರ್ಮಗಳಿಗೆ “ಅರ್ಥ” ಸಿಕ್ಕಾಗ
ಅಜ್ಜ ಮುತ್ತಜ್ಜರ ಪುನರಾವೃತ್ತಿ.

‍ಲೇಖಕರು avadhi

October 19, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸತ್ಯವು ಸುಡುತಿರುವಾಗ…

ಸತ್ಯವು ಸುಡುತಿರುವಾಗ…

ಇಮ್ತಿಯಾಜ್ ಶಿರಸಂಗಿ ರಾತ್ರೋರಾತ್ರಿ ಚಿತೆಗಳೂರಿದುಸತ್ಯವು ಸುಡುತಿರುವಾಗ... ಸತ್ತವರ ನೋವನ್ನುಪ್ರಜೆಗಳು ನೆನಪಿಟ್ಟುಕೊಳ್ಳಬೇಕು…...

ಎಲ್ಲವೂ ಸಾಕು

ಎಲ್ಲವೂ ಸಾಕು

ಸುಮಾ ಕಂಚೀಪಾಲ್ ಎಲ್ಲವೂ ಸಾಕುಈ ಕೆಂಡದ ಮಳೆ ಸುರಿವ ಪ್ರೀತಿಯಗಾಳಿಯಲಿನಾನು, ಅವನ ಸಿಗರೇಟಿನವಾಸನೆ ಇಲ್ಲದಬರಿಯ ಗಾಳಿಗೆ ಜೀವ ಇಲ್ಲಎಂದು ಈಗ...

ನಿರುತ್ತರ

ನಿರುತ್ತರ

ಪ್ರಕಾಶ್ ಬಿ ಬೊಕ್ಕುತಲೆ, ಹಸಿದ ದೇಹ, ಒಣಗಿದ ಗಂಟಲು, ಗಂಟು ಗಂಟಾದ ಕೂದಲು ತ್ರಾಣವಿಲ್ಲದ ಶರೀರ, ಮಳೆ ನಿಂತ ಕಾದ ನೆಲ. ತೆರೆದ ಬಾಯೊಳಗೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This