ಸಿಕ್ಕರೆ ಕೇಳುವುದಿದೆ ದೇವರಿಗೆ..

Sandeep Ishanya

ಸಂದೀಪ್ ಈಶಾನ್ಯ

ಸಿಕ್ಕರೆ ಕೇಳುವುದಿದೆ ದೇವರಿಗೆ
ನಾಲ್ಕೈದು ಪ್ರಶ್ನೆಗಳ
ಯಾಕೆ ನಿಮ್ಮಲ್ಲಿ ಯಾರೂ ಬಡವರಿಲ್ಲ
ಎಲ್ಲರ ಕಿಸೆಯಲ್ಲೂ ಉಂಟು ಸಾಕೆನ್ನುವಷ್ಟು ದುಡ್ಡು

ಹಾಗೂ ವಿವಿಧ ಆಕಾರದ ಚಿನ್ನದ ಕಿರೀಟ

matchsticನಿಮ್ಮ ಸಂಗೀತ ತರಬೇತಿ ಎಲ್ಲಿ
ಎಲ್ಲರ ಬಳಿಯಲ್ಲೂ ಇದೆ ಅಲ್ಲವೇ
ವೀಣೆ, ಕೊಳಲು ಸಿತಾರು

ನಿಮ್ಮದು ಕೂತಲ್ಲೇ ಮನುಕುಲ ಉಳಿಸುವ ಯೋಜನೆಯೋ
ಅದಾಗುವುದಿಲ್ಲ ಬಿಟ್ಟು ಬನ್ನಿ
ನೀವಿರುವ ಕೊಳದ ಮೇಲಿನ ತಾವರೆಯನು

ಸುಮ್ಮನೆ ಆಯುಧಗಳನ್ನು ಹಿಡಿದು
ದಣಿಯುವುದಕ್ಕೆ ನಿಮಗೆ ಏಳೆಂಟು ಕೈಗಳೆ
ಯುದ್ಧದಲ್ಲಿ ತನ್ನ ಎರಡೂ ಕೈಗಳನ್ನು
ಕಳೆದುಕೊಂಡ ಯೋಧ ರೋದಿಸುತ್ತಿದ್ದಾನೆ
ನಿಮ್ಮ ಒಂದು ಕೈಯನ್ನಾದರು ನೀಡಿ ಸಹಕರಿಸಿ

ಕ್ಯಾಲೆಂಡರಿನಲ್ಲಿ ಚೆಲ್ಲಾಡುವುದಕ್ಕೆ ನಿಮಗೆ
ಹೊನ್ನಿನ ನಾಣ್ಯ ಬೇಕೆ
ದೂರದ ಬಸ್ ಸ್ಟಾಂಡಿನಲ್ಲಿ
ತನ್ನ ಮೊಲೆಗಳನ್ನು ಅಡವಿಡಲು
ನಿಂತಿರುವ ಹೆಂಗಸಿಗೂ ಸ್ವಲ್ಪ ನೀಡಿ
ಬದುಕಲು ಬಿಡಿ

ಬಡವನ ಮನೆಯ ಉಚಿತ ಊದು ಬತ್ತಿಯ
ಸುವಾಸನೆಗೆ ಹಾತೊರೆಯಬೇಡಿ

ಸೃಷ್ಟಿಕರ್ತ ಬ್ರಹ್ಮನೊಂದಿಗೆ ಸಂವಾದ
ಮಂಡಿಸಿ
ಒಪ್ಪಿಸಿ
ಅವನ ಒಂದು ತಲೆಯನ್ನಾದರು
ನಮಗೆ ನೀಡಲು ಹೇಳಿ
ಇಲ್ಲಿ ತಲೆ ಇಲ್ಲದವರೇ ನಮ್ಮನ್ನು ಆಳುತ್ತಿದ್ದಾರೆ

ಮನುಜರು ತುಂಬಾ ಮುಂದಿದ್ದಾರೆ
ಈಗಲೇ ನಿಮ್ಮಲ್ಲಿರುವ ಪ್ರಾಣಿವಾಹನವನ್ನು
ಕಾಡಿಗೆ ಅಟ್ಟಿ
ಇಲ್ಲವಾದಲ್ಲಿ
ದೇವಲೋಕಕ್ಕೆ  ಬಂದಿಳಿಯಬಹುದು
ಪ್ರಾಣಿದಯಾ ಸಂಘದ ನೀಲಿ ವ್ಯಾನೂ..

 

‍ಲೇಖಕರು Admin

September 28, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಜೀವನದ ಹೊಟ್ಟೆ ತುಂಬಿ

ಜೀವನದ ಹೊಟ್ಟೆ ತುಂಬಿ

ಮಾಲಾ.ಮ.ಅಕ್ಕಿಶೆಟ್ಟಿ ವಿಧ ವಿಧ ಭಕ್ಷ್ಯಗಳು ಸಿಹಿ ಖಾರ ಹುಳಿ ಒಗರು ಈರುಳ್ಳಿ ಬೆಳ್ಳುಳ್ಳಿ ಹುಣಸೆ ಬೆಲ್ಲ  ಎಣ್ಣೆ ಹೆಚ್ಚೋ ಕಡಿಮೆಯೋ ರುಚಿ ಪಾಪಿ...

ಮೋಹ ಇದಿರುಗೊಳ್ಳದ ದಿನ

ಮೋಹ ಇದಿರುಗೊಳ್ಳದ ದಿನ

ಕೆ ಜೆ ಕೊಟ್ರಗೌಡ ತೂಲಹಳ್ಳಿ ಪೋಲಿಯಾಗಿ ಬಿಡಬೇಕುಯಾವ ಶಿಲಾಬಾಲೆಯೂಎದುರುಗೊಳ್ಳದ ಕಾರಣ ಅತೀ ಆಸೆಯ ಹೊಂದಿಯೂಅಮಾಯಕತೆಯಪ್ರದರ್ಶನಕೆಯಾವ...

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: